HomeLatest NewsNew ReportsPeshawar PagesQuettaKabulIslamabadArchivesPushtoPushtunsArticlesLettersContact
Archives...Pushto

khanshaheed1.jpg

کرزۍ د افغانستان ضرورت دی 


فايق خان يوسفزی لندن

 

په مړو مين يوخو ژوندي مو یيخي نه وي خوښ . خدائ دی اوبخښي ډير ښه سړی وو" دا يوه ډيره عمومي خبره ده چې مونږه ئې هر وخت د هر چا د خلی اورو او د ژوندو خلکو سره مو ډيره مزه نشته٠ که نورمحمدتره کی و٠ که حفيظ الله امين و ٠ داودخان و او که ډاکټر نجيب الله ټول ښه وو٠ خؤ تر کومې چې حامدخان کرزۍ دی د لر او بر ليکوالانو قلمونه رمبي کړي دي او د هغه اولسمشر په ګټو او لاس ته راوړنو خاورې اړوي چا ته چې په تيرو ټاکنو کې پنځو مليونو افغانانو رایې ورکړي دي. زه نه پوهېږم  چې دغه ليکوالان ولې د اولس مشر خلاف هغه ژبه واﺉ کومه ژبه چې د پاکستان استخبارات او رسنﺉ واﺉ. دغه ليکنې خوبيخي د پنجابي ژورنالسټانو لکه حامد مير، هارون رشيد او سليم صافي د ليکنو ژباړنه ښکاري. ځنې د اولسمشرﺉ کانديدان او د هغوي پلويان دا خبرې کوي چې په ادارو کې فساد وو نو مونږه استعفا وکړه. ډير په ادب سره وايم چې ستا په استعفا د پاکستان استخباراتو يوه اونۍ ښادﺉ کړی وی. سربيره پر دی استعفا کول يو ډير اسان کار دی او څوک ﺉې کولې شي. ګران کار خو په هغه بدو حالاتو کې د افغانستان حکومت چلول وو چې نه پوځ وو او نه پوليس ، نه اداره وه او نه اساسي قانون. د ټولې نړيوالی پانګی په سلو کې اتيا د هغوي سفارتونو پخپله په خپلو ټهېکدارانو مصرفولې. خو بيا هم نن په افغانستان کې د خداﺉ په فضل ادارې جوړې شوې دي. پولیس شته پوځ تر ډېره حده جوړ شوې دې بې شمېره پروژو ګټه ورکول پېل کړې دي. د  نيمروز مځکو د تندی ماتولو ارمان پوره شوې دې. په زرګونو کلي په بريښنا روښانه شوي دي.
 
 حامدخان کرزۍ ډير په صبر او استقامت بهرني او کورني دسيسه ګر قلار کړي دي او هغه خلک ﺉ سره يو ځاﺉ کښېنول چې په بيلو بيلو حزبونو کې وو او د يو بل سره ﺉ دښمنﺉ وې او د يو بل نه ﺉ په سلګونو مړي کړي وو.د کرزۍ بل غټ صفت د ډيورنډ څخه پورې د پښتنو وطنيپالو ګوندونواو مشرانو سره ټينګی اړېکې دي چې د ګران او تاريخي افغانستان نه صرف په سياسي توګه مهمې دي بلکه په دفاعي، تاريخي او جغرافياﺉ توګه هم ډېر اهميت لري.

 زمونږه ځينې پښتانه وروڼه دا خبره بايد په نظر کې وساتي چې ملي ګټې  او ملي يووالی تر ټولو ذاتي، حزبي، مذهبي او نظرياتي انډولونو بالاتر دي او افغانستان د ديرشو کلونو د سختو جګړو وروستو آباديږي. بيا افغانستان په ګاونډ کې د ايران او پنجاب په څېر ګاونډيان لري. نو په دې حالاتو کې د ټولو پښتنو دا مسوليت جوړيږي چې خپل اسونه د پنجابي او ايراني اسونو نه بيل په افغاني تبېله کې وتړي او د حامد خان کرزۍ په خلاف د مغرب او مشرق دواړو د پروپېګنډی مخه ونيسي.  د کوره دروند او قدرمند بهر هم دروند او قدرمند وي. زما په فکر په موجوده وخت  په افغانستان کې کرزۍ يو داسې سړۍ دې چې د افغانستان ملي حاکميت، دافغان خاوری تماميت او استقلال خوندی ساتلې شي
 
 د اوبو په ځاﺉ مې وينې د زړه ورکړې
 چې موسم د سپرلی راغی باغ د بل شو
 

         فايق خان يوسفزی لندن

tleen35.JPG


په لندن کې د خان شهید اودل سمد خان ۳۵م تلین  د يو پرتمینی غونډی په ترڅ کې ونمانځل شو 

د پښتونخوا ملی عوامی ګوند برتانیی له خوا د ستر لارښود ملی اتل او لویی مبارز خان شهید اودل سمد خان اڅکزۍ ۳۵م تلین ونمانځل شو. چې د لر او بر افغان وطن په سلګونو سیاسی، فرهنګی او کلتوری پوهانو او کارکونکو پکې ګډون وکړ.
 د غونډی مشري د پښتونخوا ملی عوامی ګوند برتانيي سکتر

ajmalkhattak82.JPG


د پښتون دعا

اے طاقته اے قوته
اے قادر په هر صورته
اے رحمانه اے رحيمه
اے جباره اے کريمه

د سنکيانګ نه تر بهکره
له آمو ټېکسلا غره
د چترال نه تر بولانه
له  هراته تر  واخانه
روهيله افغان ګله که
هر افغان ورسره يار که
يو ئې خُلۀ يوه جرګه که
دوي د خپل وطن مختار که

جګه جګه ئې شمله که
زوړ غرور ئې رابېدار که
ولولې ور حواله که
چې اغيار باندې يلغار که
سندهـ، بلوچ ورسره مله که
برابر ئې په قطار که
بيا ئې سم په مارګله که
د مغل مرګ ته ئې تيار که
په رهتاس ئې قافله که
په جهلم ګودر ئې پار که
په لاهور ئې غلبله که
قبضه ګر واړه قلار که
دبدبه ئې په انباله که
د رنجيت وارث مردار که

پاني پت چې دواله که
احمد شاه ورله سردار که
بيا ئې ښکار په بنګاله که
د شېر شاه دور دوبار که
بريالے ئې په کيراله که
ورسره تمام بهار که

روهيلکنډ او روهيله که
د حافظ نمسے تاجدار که
په کشمير ئې رساله که
چې کاشغر پورې رفتار که
تۀ ئې دومره بدرګه که
چې فارس ګډ په ناتار که
بيا چې نوره نۀ حمله که
ارادې ئې تار په تار که

سود خوارۀ شېخان ماله که
وران د مصر هر بازار که
اسرائيل چې فېصله که
يروشلم چې خودمختار که
استعمار چې ګرماله که
سامراجيان واړه په دار که

برکت ئې هماله که
فېض ئې عام لکه آبشار که
د دوي سيمه ګلاله که
منطقه ګل و ګلزار که
شګفته زمونږ شهله که
وچې ډاګې ئې بهار که

په وطن چې معامله که
په سولۍ ئې هر غدار که

پښتو ژبه هر رنګه که
يو يو ټکے ئې شاندار که
په هر رنګ ئې کامله که
علم و فن ئې په شا بار که
د باچا بېت کشماله که
قصيده د خپل ديار که

اے طاقته، اے قوته
 اے قادر په هر صورته
اے رحمانه، اے رحيمه
 اے جباره، اے کريمه

لږ زمونږ په حال بدل شه
د مظلومو سره مل شه
غواړو ستا له برکته
ښۀ ژوندون ډک له عزته
کۀ شو خلاص له غليمانو
مونږ به سيال شو د سيالانو
 
     

sheralibacha-balahisar-prison81.jpg

بل مشالونه

 د پښتون قام پرست دانشورانو يواځينۍ فريضه نن څۀ ده؟ هغه دا ده چې د پاکستاني رياستي بحران او د افغانستان د موجوده پُرخطر سياسي نقشې ته دې په غور نظر واچوي او دا نتيجه ګيري دې وکړي چې د پښتون د سباوون دپاره په دې صورت حال کښې څۀ امکانات دي. د هم دغه امکاناتو په رڼا کښې د پښتون قامي د خپلواکۍ تحريک فوري مقاصد ټاکل او د هغې د تر لاسه کولو دپاره حکمت عملي غوره کول نن د پښتون قام پرست دانشورانو بنيادي فريضه ده. د دې دپاره د فکر دوه لارې دي. يوه دا چې په موجوده حالاتو کښې په صوبه پښتونخوا کښې د پښتون قامي تحريک متحرکه قوتونه په ګوته کړے شي او د هغوي د سياسي فعاليت طريقې منځ ته راوستې شي. دوېمه دا چې د  افغانستان د قام پرستانو د فطري غوښتنو نشان دهي وشي او د جوړولو په امکاناتو او طور طريقې جوړولو باندې غور وکړے شي.

پښتون نن او سبا................ د بل مشالونه کتاب څخه

Pukhtunkhwa